អាថ៌កំបាំងនៃជោគជ័យសេដ្ឋីទាំង៥០០នាក់
សេចក្តីប្រាថ្នាចង់បានទ្រព្យសម្បត្តិច្រើន តែងកើតមានក្នុងសន្តានចិត្តមនុស្សលោកតាំងពីកំណើតមកម្ល៉េះ (ស្រីហិតោបទេស)។ សួរថាធ្វើដូចម្តេចទើបក្លាយជាអ្នកមាន? នេះជាសំណួរដែលមនុស្សទូទៅចោទសួរជានិច្ច។ ណាប៉ូឡេអុងហៀល (Napoleon Hill) ដែលជាអ្នកនិពន្ធសៀវភៅដ៏ល្បីល្បាញដែលមានចំណងជើងថា "សញ្ជឹងគិត រួចក្លាយជាអ្នកមាន Think and Grow Rich" បាន ចំណាយពេលស្រាវជ្រាវអស់រាប់ឆ្នាំទៅលើកំពូលអ្នកមានទាំង ៥០០ នាក់នៅអាមេរិក ដើម្បីស្រាយចំងល់ថាអ្វីទៅជាកត្តាចំបងដែលនាំឲ្យមនុស្សក្លាយជាអ្នកមាន។ លោករកឃើញថាអ្នកមានទាំង ៥០០ នាក់នោះ មានចំនុចរួមមួយគឺ
សំលឹងមើលអនាគតដោយភាពវិជ្ជមាន។ ពួកគេគិតថាអ្វីៗអាចសម្រេចទៅបានតាមការចង់បាន។ តាមរយៈរបកគំហើញនេះសៀវភៅមួយក្បាលដ៏មានតម្លៃខាងលើបានបោះពុម្ព ផ្សាយនិងលក់ដាច់បំផុតក្នុងពិភពលោក។ ក្រោយៗមកមានមនុស្សមិនតិចទេដែលបានក្លាយជាអ្នកមានដោយសារ អនុវត្តតាមវិធីសាស្ត្ររបស់ណាប៉ូឡេអុងហៀល។
ក្នុងសៀវភៅ សញ្ជឹងគិត រួចក្លាយជាអ្នកមាន ផ្តោតជាសំខាន់ លើការកែប្រែផ្នត់គំនិតខាងក្នុង ឲ្យមានភាពប្រាកដប្រជាអំពីទំហំទឹកប្រាក់ដែលមនុស្សម្នាក់ៗ ប្រាថ្នាចង់បានក្នុងមួយឆាកជីវិតនេះ រួចហើយតម្កល់ចិត្តរំលឹកជារៀងរាល់ថ្ងៃអំពីក្តីប្រាថ្នានេះ។ កាលណាចិត្តខាងក្នុងរឹងមាំច្បាស់លាស់អំពីទឹកប្រាក់ដែលខ្លួន ប្រាថ្នាចង់បានហើយ នោះវានឹងស្តែងអានុភាពទាក់ទាញបង្កើតឲ្យលេចជារូបរាងឡើងនៅ ពិភពខាងក្រៅ។
"ចង់ក្លាយជាអ្នកមាន ចូរកែប្រែផ្នត់គំនិតរបស់អ្នក" ណាប៉ូឡេអុងហៀល។
ស្រាវជ្រាវប្រែសម្រួលដោយ salarean.com