ហេតុអ្វីមនុស្សអាចអត់អាហារបានដល់រាប់ថ្ងៃ
រាងកាយមនុស្សយើងអាចរស់នៅបានពី៥ទៅ១០នាទីដោយគ្មានអុកស៊ី សែន និង ៣ទៅ៨ថ្ងៃដោយគ្មានទឹក ។ រឿងដែលមិនគួរឲ្យជឿ គឺធ្លាប់មានអ្នករស់នៅបានដោយគ្មានអាហាររយៈពេល៧០ថ្ងៃ។ តើរាងកាយមនុស្សយើងទ្រទ្រង់បានយ៉ាងដូចម្តេចដោយគ្មានអាហារ?
ពេល បរិភោគអាហារ រាងកាយបំលែងថាមពលអាហារទៅជាជាតិស្ក ។ ជាតិស្កទាំងនោះស្តុកទុកក្នុងថ្លើម និងសាច់ដុំ ចំណែកឯអាស៊ីតខ្លាញ់ស្តុកទុកនៅជុំវិញរាងកាយសម្រាប់ប្រើប្រាស់ ពេលអនាគត។ ក្នុងករណីគ្មានអាហារទាំងចិត្តនិងកាយព្យាយាមទប់ទល់ទ្រទ្រង់ ជិវិតឲ្យបាន។ តាមធម្មតាអាហារដែលបរិភោគរួចអាចទប់ទល់បានយ៉ាងយូរបំផុត ៦ ម៉ោង។ ផុតពី៦ម៉ោងទៅនឹងជួបការលំបាកជាក់ជាពុំខាន។ ចាប់ពី៦ម៉ោងដល់៧២ម៉ោង ជាតិស្កដែលស្តុកទុក ត្រូវបានប្រើប្រាស់អស់ ក្នុងករណីនេះរាងកាយ គ្មានជម្រើសអ្វីក្រៅពីប្រើជាតិខ្លាញ់ដែលនៅជាប់រាងកាយជាថាមពល ទេ។ ចាប់ពី៧២ម៉ោងឡើងទៅ កោសិកាទាំងអស់នឹងបញ្ចេញអាស៊ីតអាមីណូចូលទៅក្នុងចរន្តឈាម។ ថ្លើមក៏បំលែងអាស៊ីតអាមីណូនេះទៅជាជាតិស្ក (គ្លុយកូស) សម្រាប់ចិញ្ចឹមខួរក្បាល។ ក្នុងដំណាក់កាលនេះ រាងកាយខ្វះថាមពល នឹងបន្តដុតកោសិកាបញ្ចេញថាមពលទ្រទ្រង់ជិវិត ហើយរាងកាយដឹងដោយស្វ័យប្រវត្តិថាគួរកំទេចកោសិកាណា ទុកកោសិកាណា។ ប្រសិនបើមិនអាចរកអាហារផ្គត់ផ្គង់ពីខាងក្រៅមកទេ ទីបំផុតរាងកាយនឹងត្រូវស្លាប់។
សាលារៀន salarean.com