ចិត្តសាស្ត្រទារក
· ទារកទើបកើតអាចមើលឃើញ វត្ថុជុំវិញក្នុងរវាង ២៥ សង់ទីម៉ែត្រ
· ទារកអាយុត្រឹមតែមួយខែ អាចចាំសំលេងម្តាយ និងស្គាល់រូបរាងម្តាយ
· ទារកស្គាល់ក្លិនរបស់ម្តាយ និងចំណាំក្លិនទឹកដោះ
· ក្នុងកំឡុងអាយុមួយឆ្នាំ ទារករៀនសូត្រពីម្តាយដែលជាគ្រូដំបូងបង្អស· ទារករៀនពីអ្នកតាមរយៈការនិយាយនិងការប្រលែងលេងជាមួយអ្នក
ស្វែងយល់អំពីកូនក្មេង· ទារកដែលម្តាយឧស្សាហ៍និយាយជាមួយ ឆាប់រៀនចេះភាសាជាងទារកដែលមិនសូវមានអ្នកនិយាយជាមួយ។ ចូរនិយាយជាមួយទារកឲ្យបានច្រើន។ ពេលអ្នកធ្វើអ្វីមួយចូរប្រាប់ទារកថាអ្នកកំពុងធ្វើអ្វី ឧទាហរណ៍ ម៉ាក់កំពុងរៀបចំងូតទឹកឲ្យកូន ... នេះគឺដៃរបស់កូន នេះគឺជើងរបស់កូន។ ដំបូងទារកនឹងសំលឹងមើលចលនាបបូរមាត់របស់អ្នក បន្ទាប់មកព្យាយាមលៀនអណ្តាតចេញ។ ក្នុងរវាង ៨អាទិត្យ ទារកចាប់ផ្តើមនិយាយ កេ ក.. មិនច្បាស់ ហើយមិនមានអត្ថន័យអ្វីដែរ។
· ទារករៀនភាសាពីអ្នក ដូច្នេះចូរនិយាយទៅកាន់កូនរបស់អ្នកហើយទុកពេលឲ្យគេឆ្លើយតបមក វិញដែលបញ្ជាក់ថាគេចាប់បានរឿងដែលអ្នកនិយាយ។ ពេលអ្នកធ្វើអ្វី មួយជាមួយទារកចូរនិយាយជាមួយគេថាអ្នកកំពុងធ្វើអ្វី។
· ទារកចូលចិត្តអ្វីដែលជាទម្លាប់ ចូលចិត្តឲ្យគេថ្នាក់ថ្នមពេលខឹងមួម៉ៅ។ ចូរបំពេរឬលួងពេលកូនយំ ឬគេង ហើយធ្វើជាទម្លាប់ដដែលៗ ដើម្បីឲ្យកូននឹងឃើញ ហា៎ ពីម្សិលម៉ិញម៉ាក់ខ្ញុំក៏បំពេរអញ្ចឹងដែរ។
· ពេលទារកធ្វើអ្វីមួយ ឬនិយាយ ចូរឆ្លើយភ្លាមដើម្បីធ្វើឲ្យទារកមានអារម្មណ៍ថាគេសំខាន់ និងមានតម្លៃ (ទារកក៏ដូចមនុស្សពេញវ័យដែរចង់ឲ្យគេឃើញថាខ្លួនសំខាន់)។
· ចូរហៅឈ្មោះទារក ដើម្បីឲ្យគេមានអារម្មណ៍ជាបុគ្គលម្នាក់ ។ ពេលអាយុ៦ខែ ចូរដាក់គេនៅមុខកញ្ចក់ ដើម្បីឲ្យគេទទួលអារម្មណ៍ស្គាល់ខ្លួនឯង។
អត្ថបទដោយ គេហទំព័រសាលារៀន salarean.com