ធម្មសម្បត្តិ៣យ៉ាងនាំឲ្យមានទ្រព្យសម្បត្តិច្រើន
១. ជាបុគ្គលដែលមានភ្នែកល្អ ភ្នែកភ្លឺ ចេះដឹងប៉ិនប្រសប់ក្នុងមុខរបរជំនួញ ស្គាល់ដើមទុន ស្គាល់កំរៃ ជាពិសេសចេះក្បួនសេដ្ឋកិច្ច និងពាណិជ្ជកម្ម។
២. ជាបុគ្គលមានសេចក្តីព្យាយាមយ៉ាងមោះមុត ចេះស្ទង់ ចេះពិចារណា ចេះពិនិត្យកាលៈទេសៈ មានគំនិតបច្ចេកទេស មានសេចក្តីឆ្លាតក្រៅតម្រា ដឹងកិច្ចកល ដូចជាដឹងថា ទៅទិញរបស់នៅកន្លែងណាមានតម្លៃថោក ទៅលក់នៅផ្សារណាបានតម្លៃខ្ពស់។ ជាពិសេសបើបានចំនេញច្រើនមិនភ្លេចស្មារតី ខាតដើមទុនគេមិនសុខចិត្តលះបង់ចោលឬរាងចាលឡើយ។
៣. ជាបុគ្គលមានមនុស្សរាប់អានច្រើន សំបូរមិត្តសម្លាញ់ ស្គាល់ពីរបៀបធ្វើឲ្យមនុស្សគ្រប់មជ្ឈដ្ឋានទូទៅ បាក់ចិត្តនិយម មានជំនឿមានសេចក្តីទុកចិត្តទុកថ្លើម រហូតស៊ូចំនេញស៊ូខាតជាមួយគ្នា។
ពុទ្ធោវាទ
គេហទំព័រសាលារៀន salarean.com