តើផ្លូវអាកាសមានសញ្ញាចរាចរណ៍ដូចផ្លូវគោកទេ?
យើងគ្រប់គ្នាប្រហែលជាឆ្ងល់ណាស់ថាតើផ្លូវអាកាសដែលយន្តហោះ ហោះហើរមានសញ្ញាចរាចរណ៍ដូចជានៅលើផ្លូវគោកដែលយើងធ្វើដំណើររាល់ ថ្ងៃដែរឬទេ។ ការហោះហើរតាមផ្លូវអាកាសក៏មានសញ្ញាចរាចរណ៍ប្រហាក់ប្រហែលគ្នា នឹងលើផ្លូវគោកដែរ។ ខុសគ្នាត្រង់ថាតាមផ្លូវអាកាសគេប្រើប្រព័ន្ធរាដា។ អ្នកគ្រប់គ្រងចរាចរណ៍ផ្លូវអាកាសបញ្ជូនរលកសញ្ញាជាប់ជាប្រចាំទៅលើ អាកាស។ រលកសញ្ញានេះអាចបញ្ជូនចេញបានឆ្ងាយ ទោះបីជាផ្ទៃមេឃចុះអ័ព្ទ ឬមានព្យុះភ្លៀងក៏ដោយ។ រលកសញ្ញានេះបញ្ជាប្រាប់អ្នកបើកយន្តហោះថា តំបន់កំពុងហោះហើរត្រូវកម្រិតល្បឿនត្រឹមប៉ុណ្ណាជាដើម។ អ្នកបើកយន្តហោះទទួលសញ្ញារាដាហើយអនុវត្តទៅតាមនោះ។
អត្ថបទ៖ សាលារៀន salarean.com