ព្យាយាម​គង់​បាន​សម្រេច
សាមគ្គី​ជា​កម្លាំង
ចេះ​ដប់​មិន​ស្មើ​ប្រសប់​មួយ
ចំណេះ​ជា​អាហារ​ ប្រាជ្ញា​ជា​អាវុធ

អាថ៌កំបាំង​ទី​៨​ដើម្បី​ក្លាយ​ជា​សេដ្ឋីៈ សន្សំ​/វិនិយោគ​ប្រាក់​មុន​ទូរទាត់​ឲ្យ​អ្នក​ដទៃ

ដក​ប្រាក់​សម្រាប់​សន្សំ​/វិនិយោគមុន​ពេល​ទូរទាត់​ឲ្យ​អ្នក​ដទៃ

ចូរ​ដក​ប្រាក់​១០%​នៃ​ចំណូលរបស់អ្នក​យក​ទៅ​សន្សំ​ឬ​វិនិយោគ។ ប្រសិន​បើ​អ្នក​ដក​ប្រាក់​ ១០០ ដុល្លារ​ ក្នុង​មួយ​ខែ​ជាប់​ជាប្រចាំ​ យក​ទៅ​វិនិយោគ​ដែល​​ផ្តល់​ផល​ចំណូល​កើន​ឡើង​ ១០% ប្រចាំឆ្នាំ​ នោះ​ពេល​ចូល​និវត្តន៍​អ្នក​នឹង​មាន​ប្រាក់ ១​១១៨០០០​ ដុល្លារ។ មានសុភាសិត​មួយ​ពោល​ថា "​ប្រសិន​បើ​អ្នក​មិន​អាច​សន្សំប្រាក់​បាន​ទេ នោះគ្រាប់ពូជ​មហិមា​ក៏​មិន​នៅ​ជាមួយ​អ្នក​ដែរ"។ ការ​បង្កើត​ទម្លាប់ស​ន្សំ និង​វិនិយោគ​​មិន​មែន​ជារឿង​ងាយ​ស្រួល​ទេ តែ​បើ​អ្នក​ធ្វើ​បាន​ អ្នក​ប្រាកដ​ជា​ទទួល​បាន​ជោគជ័យ​ខាង​ហិរញ្ញវត្ថុ។ ចូរ​ទម្លាប់​ចាយ​វាយ​រិះ​គិតគ្រប់​រឿង​។ មុន​នឹង​ចំណាយ​គិត​សិន។ ចូរ​ពន្យារពេល ឬ​បង្វែរ​ចិត្ត​ដែល​ចង់​ទិញ​របស់អ្វី​មួយ​ឲ្យ​បាន​មួយ​អាទិត្យ​សិន ឬ​បើ​មិន​ដូច្នោះ​ទេ​មួយខែ។ ពន្យារពេល​កាន់​តែ​យូរ​ ទិញ​បាន​កាន់​តែ​ថោក។ កុំ​ឲ្យ​ដូច​ពាក្យ​គេ​ថា " រក​បាន​ច្រើន​ចាយ​ក៏ច្រើន" ឬ​ "ទូក​ធំ​ ក្តោង​ធំ"។ ប្រសិន​បើអ្នក​ពិបាក​សន្សំ ១០% ចូរ​ចាប់​ផ្តើម​ពី​ ១% រួច​កើន​ឡើង​រហូត​ ទៅ​ជា ៣%​ ៤% ។ល។ ក្នុង​រវាង​មួយ​ឆ្នាំ​ អ្នក​នឹង​អាច​សន្សំបាន ១០% ឬ​ ១៥% ដល់​ពេល​នោះ​​ចំណូល​និង​ចំណាយ​ក៏​នឹង​មាន​តុល្យភាព ក្នុងពេល​ជាមួយ​គ្នា​ប្រាក់​សន្សំ និង​ប្រាក់​វិនិយោគ​ក៏​ចេះ​តែរីក​ធំ​ឡើង។ អ្នក​នឹង​កាន់​តែ​ប្រយ័ត្នប្រយែង លើ​ការ​ចាយវាយ​ និង​ចាប់​ផ្តើម​ជម្រះ​​បំណុល​អស់​ពី​ខ្លួន។ ក្នុងរវាង​ពី​រ​ឆ្នាំ​ អ្នក​នឹង​គ្រប់គ្រង​បាន​ទាំង​ស្រុង​លើ​ហិរញ្ញវត្ថុ ហើយ​អ្នក​នឹង​ដើរ​ចូល​គន្លង​​សេដ្ឋី។ វិធីនេះ​មាន​ប្រសិទ្ធ​ភាព​ចំពោះ​អ្នក​ដែល​បាន​សាក។ ចូរ​សាក​មើល​ដោយ​ខ្លួន​អ្ន​ក​ផ្ទាល់។

(ស្រង់​ចេញ​ពី​សៀវភៅ The 21 Success Secrets of Self-Made Millionaires, by Brian Tracy )